Nu patrimoniu riscupertu
L’11 di maiu signa na data stòrica pi lu quarteri Albergheria di Palermu. Doppu uttant’anni d’abbannunu, l’ex Oratoriu di Santa Maria Maggiuri, finarmenti, grapi arreri li porti â citati. Stu locu di cultu anticu, carattirizzatu dû maistusu purtali baroccu dû XVII sèculu pruggittatu dû cèlibbri Pietro Novelli, torna â vita grazzi a l’impegnu dâ cuperativa turìstica Terradamare e ô sustegnu di l’Associazzioni Ballarò Buskers.
L’inaugurazzioni, privista pi dumìnica 11 maggiu a cuminciari di li 17:30, non sarà na sèmplici cirimònia, ma nu veru eventu artisticu. Pi l’occasioni, infatti, sarà prisintata “Exules Filii Hevae“, n’installazzioni àudiu di Davide Enia, câ culonna sunora di Angelo Sicurella e nu ntirventu pittoriali di Francesco De Grandi. Li luci e lu sonu sarannu curati di Francesco Vitaliti.
Situatu ntâ via San Nicolò all’Albergheria 22, vicinu â Turri di San Nicolò, chistu spazziu rapprisenta nu pezzu funnamintali ntâ ristrutturazzioni di nu quartieri ca nta l’ùrtimi anni vitti già la rinascita di nummurusi ànguli scurdati.
Nu diàlugu tra l’arti e la mimoria
“Exules Filii Hevae” non è sulu n’installazzioni, ma nu ricupiru dî palori e dî soni di prighieri, cunfissioni e spiranzi na vota misi ntâ Matri, Riggina dî cchiù picca e Signura dî pirduti. Attraversu chista opirazzioni artistica, li paroli di spiranza sunu trasformati nta azzioni di risistenza cutiddiana contra l’abbusu di putiri.
“La riapertura dell’ex Oratorio di Santa Maria Maggiore segna il ritorno di una tessera che mancava al mosaico di Palermo” spiega Davide Enia. “Un luogo che fu centro di pellegrinaggio devozionale, capace quindi di attirare su di sé preghiere e speranze, disperazioni e miserie varie, torna a offrirsi, senza pudore, come ogni vero luogo devozionale, davanti allo sguardo di tutte e tutti“.
L’edificiu, ricintimenti ristauratu di l’IACP Palermu, porta ancora ancora li signali dî bummardamenti divastanti dû 1943 ca ntirissaru gravimenti l’Albergheria. Di la struttura urigginali hà statu sarvatu sulu lu muru a manu manca dâ navata, cu tracci dâ struttura e dicurazzioni n stuccu Chista stissa ‘ncumpletizza addiventa na tistimunianza viventi di n’eventu storicu tragicu.
Nu spazziu pâ cumunità
Chistu novu spazziu culturali non voli èssiri sulu nu postu pâ narrazzioni stòrica dâ città, ma nu puntu d’aggriggazzioni e mimoria cunnivisi pi tutta la cumunità. Comu affirma Valeria Leonardi di l’Associazzioni dê Buskers di Ballarò: “Il nostro festival sogna un quartiere in cui lo spazio pubblico non sia solo attraversato, ma abitato. Crediamo nell’arte come gesto rivoluzionario che trasforma, che accende l’invisibile, che restituisce voce alla comunità“.
Tra li primi iniziativi ca l’ex Oratoriu ospitarà ci sunnu alcuni spittàculi dâ prossima edizzioni dû Festival dî Ballarò Buskers, trasfurmànnulu ‘n chiḍḍu ca è statu difinitu comu “un piccolo Spasimo, nel cuore sociale dell’Albergheria“.
Rosalia Ceruso di Terradamare evidenzia lu significatu simmòlicu di sta riapertura: “L’ex oratorio ritorna non come monumento o tempio che celebra il passato, ma come spazio laboratorio in cui cresce e si arricchisce la comprensione della città, in cui far sorgere l’atto creativo, come l’esplosione di un desiderio di bellezza e arte“.
N’invitu a participari
L’inaugurazzioni di dumìnica 11 di maiu rapprisenta quinni nun sulu lu ricùpiru di n’edificiu stòricu, ma la rinascita di n’interu tissutu suciali. L’ingressu è gratuitu e l’eventu sarà n’opportunità unica pi riscopriri nu pezzu scurdàtu dâ storia di Palermu attraversu lu linguaggiu univirsali di l’arti.
“Exules Filii Hevae” invita tutti li cittadini e li visitaturi a participari a chistu mumentu di rinascita cullittiva, a attravirsari chiḍḍu limiti ca è arristatu chiusu pi troppu tempu e a cuntribbuiri câ sò prisenza â nova vita di chistu spazziu. N’opportunità pi fari parti di na cumunità ca guarda ô futuru senza scurdari li sò radici.
