Girgenti sta priparannu a ospitari la mustra “I Tesori d’Italia – Il ‘900 delle Fondazioni” â Villa Aurea, n’eventu ca marca l’inizziu dî cilibbrazzioni pû tìtulu di Capitali Taliana dâ Cultura 2025. Sta mustra, criata di Parco Valle dê Templi e dô Cunsorziu dô Pruggettu Musèu, sarà inauguratu lu sàbbutu 18 jinnaru ê 15.30 e s’aprirà ô pùbblicu lu jornu dopu.
Curata di Pierluigi Carofano e Anna Ciccarelli, la mustra prisenta nu viaggiu ntâ storia di l’arti taliana, cu 25 òpiri di 22 artisti di tutti li 20 riggiuni dû paisi. L’òpiri, ca cumprènninu quatri e na scultura, rapprisèntanu li principali muvimenti artìstici dû sèculu XX, cu rifirimenti videmma a l’ùrtimi anni dû sèculu XIX. Grazzi ê prestiti dê funnazzioni bancari e culturali, lu pùbblicu avrà la pussibilitati di ammirari capulavori giniralmenti picca canusciuti.
Li òpiri esposti cùntanu la ricchizza dû patrimoniu artisticu talianu, dû Naturalismu e dû Rialismu di artisti comu Francescu Michetti e Antoniu Mancini, ô Divisionismu di Giuseppi Pellizza da Volpedo, nzinu ô Neurialismu di Renatu Guttusu e ô Cubbismu di Ginu Siverini . La mustra offri na panoramica dê diversi sprissioni artistichi, dô Futurismu ô Spazzialismu, nzinu a l’Astrazzionismu di Carla Accardi.
Stu pruggettu, appujatu dû Ministeru dâ Cultura e dâ Riggiuni Siciliana, pruponi cilibbrari la cultura italiana nta nu cuntestu chi cummiggia tradizzioni e nnuvazzioni, facennu di Girgenti nu centru d’arti e cultura pi tuttu lu 2025.
