Nu cuncertu tra storia e tradizzioni
La staggiuni dî cuncerti di l’assuciazzioni MusicaMente di Palermu s’arricchisci di n’eventu nun pircàbbili pi l’amanti dâ mùsica antica e tradizziunali. Lu 4 di maiu ê 19:00, lu splèndidu Oratoriu di Santa Cita ospita “Il canto della Sirena“, nu cuncertu ca offri ô pùbbricu nu viaggiu ntê sèculi dâ canzuna napulitana.
Marcello Vitale e Fiorenza Calogero
La stidda dâ sirata è Fiorenza Calogero, cantanti di Castellammare di Stabia cu na vuci putenti e virsàtili, accumpagnata dû maestru Marcello Vitale â battina e â chitarra barocca. Nzèmmula òffrunu nu ripirtoriu ca va dî villanedda dû XVI sèculu, attraversu li capulavori dâ Scola Napulitana dû XVIII sèculu, nzinu ê cumpusizzioni di Carlo D’Angiò, musicista cuntimpuràniu ca ricintimenti è mortu.
“Il canto della Sirena rappresenta ciò che Napoli mi ha trasmesso attraverso la sua musica” cunta Fiorenza Calogero, “fondamentale per la mia formazione artistica e la mia carriera. Seguirò un filo rosso che dalla Villanella cinquecentesca conduce alla moderna canzone d’autore, soffermandomi sui capolavori della Scuola Napoletana del Settecento e su Carlo D’Angiò, che ha lasciato un segno profondo nella mia anima“.
Nu ripirtoriu chi spanni di sèculi di tradizzioni
Lu prugramma dû cuncertu è assai riccu e cumprenni gemmi dâ tradizzioni napulitana comu “Vurria addenventare…” e “Villanella ch’all’acqua vai“, villanelli dû XVI sèculu, e poi cuntinua cu cumpusizzioni di maestri comu Giovanni Battista Pergolesi, Niccolò Piccinni, Leonardo Vinci e Giovanni Paisiello.
Nun mancarannu pezzi famusi comu “Fenesta vascia“, n’artista anònimu dû XVIII sèculu, e lu vivaci “Canzone del guarracino“, ca chiuderà lu cuncertu. La particulari cumminazzioni dâ vuci di Fiorenza Calogero, capaci di sussurrari e cantari, ballari e ntirpritari cu enirgìa cuntaggiusa, nzèmmula â chitarra battuta di Marcello Vitale, duna vita nova a sti miludìi antichi
Lu cuncertu pigghia lu nomu dâ sirena Partenope, pirsunaggiu mitologicu ca secunnu la liggenna detti vita â citati di Napuli. Propriu comu chiḍḍa ligginnària sirena, la vuci di Fiorenza Calògero evoca l’essenza dâ cultura napulitana nta na cumminazzioni di tradizzioni e ntirpritazzioni cuntimpurània.
Comu participari a l’eventu
Pi chiddi ca vulìssiru mmergirisi nta stu viaggiu musicali attraversu li sèculi dâ tradizzioni napulitana, l’appuntamentu è fissatu pi sàbbatu 4 di maiu ê 19 all’Oratoriu di Santa Cita di Palermu. Lu bigliettu cumpletu custa 10 euro, mentri ci sunnu riduzzioni di 8 euro pi chiḍḍi ca hannu cchiù picca di 25 anni, chiḍḍi cchiù granni di 65 anni, li titulari dâ carta Feltrinelli e li membri dâ Riggiuniamo Sicilia e dâ Fidapa. Pi li studenti dû cunsirvatoriu lu bigliettu è dispunìbbili ô prezzu spiciali di 5 euro.
È macari pussìbbili abbunàrisi a tutta la staggiuni di MusicaMente a nu costu di 110 euro (90 euro pî catigurìi diritti a na riduzzioni).
Pi nfurmazzioni e prenotazioni, putiti cuntattari l’associazzioni MusicaMente a l’indirizzu email assmusicamente@gmail.com o ê nùmmari +39 393 242 78 51 e +39 339 624 7372.
N’opportunità unica pi farisi traspurtari dâ “Canto della Sirena”, n’espirienza musicali ca, comu li melodìi dî criaturi mitulòggici, siduci câ sò biddizza senza tempu.
