Lu tiatru addiventa lu purtavuci di nu messaggiu univirsali cu “A Natali c’è postu puru pi tia”, nu spittàculu ca celebbra l’inclusioni e la sulidarità, li valuri funnamintali dê festività. St’eventu nataliziu ‘nmincabbili a Palermu si farà ‘n dui posti diversi: sàbbutu 28 dicèmmiru â li 17.30 ô Teatro San Filippo Neri e dumìnica 29 dicèmmiru â li 10.30 ô Teatro Sant’Eugenio.
La rapprisintazzioni, ca fa parti dû calendariu ufficiali di manifistazzioni natalizzi dû Cumune di Palermo, porta supra lu palcu na storia cummoventi e significativa. Ntô centru dâ storia attruvamu n’omu senza casa ca, attraversu na sèrii di eventi inaspittati, si trova a cunnivìdiri nu mumentu màggicu nna na casa di lussu, davanti a nu tavulu cunzatu. Accantu a iḍḍu, Babbu Natali e li sò fideli aiutanti l’accumpagnunu nta nu viaggiu ca, cu liggirizza e prufunnità, mustra ô pùbbricu comu a Natali c’è postu puru pi tia, a priscìnniri di cu si o di unni veni.
Lu spittàculu, scrittu e diriggiutu di Daniela Pupella, è esibitu di nu cast di talentu ca cumprenni Leonardo Campanella, Mirko Ingrassia, Fabiola Arculeo, Luciano SergioMaria, Laura Melluso, Gaia Paternostro e Sofia Pupella. Attraversu sceni chini d’umurismu, mumenti audaci e riflessioni cchiù intimi, l’atturi dùnanu ô pùbbricu na narrazzioni capaci di divirtiri e, ô stissu tempu, di fàrili riflèttiri supra lu veru significatu dî festi.
Lu messaggiu dû spittàculu è pirfettamenti alliniatu cû spiritu di Natali: accugghiiri chiḍḍi ca sunnu ‘n difficultà, criari ligami autentici e grapiri li porti dû to cori e dâ to casa. Lu fattu ca l’ingressu è cumplitamenti gratuitu rafforza ulteriormenti chistu scopu, rennennu l’eventu accessìbbili a tutti e trasfurmannulu nta n’opportunità pi l’adulti e li picciriddi di ‘ncuntrari e cunnivìdiri.
“A Natali c’è postu puru pi tia” non è sulu nu spittàculu tiatrali, ma n’invitu a riscopriri li valuri funnamintali di sta festa: ospitalità, sulidarità e cunnivisiuni. Dui appuntamenti, dui posti e na granni emuzzioni ca prumetti di scaldari li cori e dari mumenti ‘ndimenticabbili a tutti li famigghi.
Arresta sulu signari l’appuntamentu ntô diariu e lassarisi purtari via dâ magìa di nu Natali ca abbrazza tutti, nuḍḍu esclusu.
