L’eredità di na suvrana ca sfidò lu sò tempu
Lu magnìficu Palazzu dî Nurmanni di Palermu uspitau aieri n’abbinimentu di straurdinaria mpurtanza culturali: la prisintazzioni dû vulumi “Costanza d’Altavilla. Donne e potere”, pubbricatu dâ Cummissioni di Supervisioni dâ Biblioteca di l’Assimbrea Riggiunali Siciliana. Lu ncontru vitti la participazzioni di nummarusi pirsunalità dû munnu istituzzionali, accadèmicu e culturali, riuniti pi esplurari li cumplessi rapporti tra fìmmini e putiri duranti li sèculi, partennu dâ figura emblemàtica di Costanza d’Altavilla.
La riggina nurmanna, ca campau tra lu 1154 e lu 1198, rapprisenta nu casu paradigmàticu di na fìmmina ô putiri nta n’èbbica duminata di l’òmini. Lu vulumi, prisintatu comu parti di na cunfirenza cchiù granni tinuta l’8 maggiu, offri na pruspittiva innovativa supra la sò figura, trasfurmànnula di na figura stòrica nna nu sìmmulu di na riflissioni cuntimpurania supra la prisenza dî fimmini ntê sferi dicisiunali.
“Abbiamo voluto aprire un dibattito qualificato sul ruolo delle donne nelle istituzioni, ieri e oggi” dichiarò Marianna Caronia, Prisidenti dâ Cummissioni dâ Bibbliuteca di l’ARS, “per affrontare temi ancora non risolti della parità e della rappresentanza delle donne, nonché del loro contributo alla vita sociale e politica del paese“.
Nu diàlugu tra passatu e prisenti
La prima sizzioni dû vulumi, “Lettera a Costanza“, adotta n’approcciu narrativu urigginali attraversu n’epistulari ‘mmagginariu ca ritraccia la vita di l’imperatrici. Nàscinu accussì li sfaccittaturi di na fìmmina “custritta” a addivintari riggina, matri dû cèlibbri Fidiricu II e riggenti dû Regnu di Sicilia. Particularmenti cummuventi è la storia dû sò ‘mpriggiuni a Salernu, quannu Costanza dimustrò nu curàggiu straordinariu pi affruntari lu pòpulu, n’esempiu di chiḍḍa risistenza ca ancora oggi carattirizza assài fimmini ntê pusizzioni di cumannu.
L’eventu, mudiratu dû giurnalista Dario Matranga, fu participatu dî membri dâ Cummissioni Roberta Schillaci e Valentina Chinnici, nzèmmula a pirsunaggi mpurtanti comu Maria Concetta Di Natale dâ Fondazione Sicilia, Adriana Chirco di Italia Nostra, lu Prufissuri Giorgio Scichiloni di l’Univirsitati di Palermu, Viciprucuratrici Annamaria Picozzi e la jurnalista Stefania Petyx.
Lu filu russu di l’emancipazzioni dî fimmini
La secunna parti di l’òpira, ntitulata “Donne e potere“, traccia un percorsu, culligannu pirsunaggi comu Artemisia Gentileschi, Olympe de Gouges e li prutagunisti dû Risorgimentu, p’arrivari finarmenti ê fìmmini di l’Assimbrea Custituenti Taliana, tra li quali spàrtinu la siciliana Ottavia Penna.
Lu vulumi offri macari rifirimenti â pubblicazzioni ricenti “Le donne siciliane al Parlamento nazionale e regionale” (marzu 2025), tistimunianza di l’impegnu di l’Assimbrea pi prisirvari e migghiurari la mimoria stòrica dî fimmini. Comu suttaliniatu ntô testu: “Conoscere Costanza significa interrogarsi su cosa significhi essere donna al potere, in un equilibrio tra autorità e vulnerabilità, ancora oggi sfidato da stereotipi e disparità“.
N’invitu â riflissioni cuntimpurania
A presentazzioni di stu volumi rapprisenta assái cchiù di n’eventu curturali: è n’opportunità pi riflèttiri supra comu a strata versu l’uguaglianza di gèniri è ancora ‘ncumpleta. Nustanti li prugressi fatti dû Mediuevu nzinu ê jorna nostri, dî battagghi pû suffraggiu univirsali ê cunquisti cchiù ricenti ntô campu dî diritti civili, li donni cuntinuanu a affruntari ostaculi mpurtanti pi accèdiri ê pusizzioni di putiri.
L’inizziativa ARS invita quinni tutti li cittadini, studiusi e studenti a riscupriri figuri comu Costanza d’Altavilla non sulu comu figuri storichi, ma comu funti d’ispirazzioni pi cuntinuari a custruiri na sucità cchiù uguali e nclusiva. Nu patrimoniu curturali ca apparteni a tutta la cumunità e ca si mirita di èssiri esploratu, discussu e cilibbratu.
