Lu putiri dâ musica contra l’apartheid di gèniri
A Palermu la mùsica addiventa nu strumentu di lotta pacifica pî dritti umani. Lu pruggettu “My Voice for You – Eco di cuori liberi” nascìu cû scopu di dinunziari e cummattiri l’apartheid di gèniri mpustatu ê fimmini afgani, custritti ô silenziu di nu riggimi oppressivu. La nizziativa, cuncipita di quattru fìmmini mprinnituri palirmitani – Mònica Faja, Rossella Bonomo, Lydia Giannitrapani e Rosellina Rox Segreto – nun si limita a èssiri nu sìmprici eventu musicali, ma aspira a addivintari nu muvimentu ntirnazziunali di risistenza culturali.
“La musica da sola non può risolvere i problemi di genere” dicinu l’urganizzatrici, “ma è un veicolo potente per mantenere alta l’attenzione e promuovere il cambiamento“. Certu, attraversu lu linguaggiu univirsali dâ musica, “My Voice for You” voli criari na riti glubbali di sulidarità ca trascinni li cunfini e li culturi.
Du jorna di manifistazzioni tra spiritualitati e mpegnu civili
Lu prugramma si svolgi nta nu fine simana ‘ntensu. Accumincia lu sàbbutu 10 di maiu ê 18:30 â cChiesa della Ganciau nu Festival Corali Ntirnazziunali cu l’ingressu gratuitu, pruggittatu pi diffùnniri lu missaggiu dû pruggettu e suttaliniari lu putiri unificanti dâ musica.
Comunque, lu mumentu cchiù mpurtanti sarà la dumìnica 11 maggiu ê 18:00 ntô Tiatru Politeama. Nta st’occasioni, la cumpusizzioni inedita “My Voice for You“, scritta dû cumpusituri Giulio De Carlo supra un testu di Rosaria Segreto, sarà prisintata ntâ sò prima munniali. Nu multicoru ntirnazziunali mprissiunanti cu 200 cantanti di l’Italia e dû Portugallu si esibirà supra lu palcu, simmulizzannu l’unioni tra culturi diversi ntâ difisa dî diritti funnamintali.
Tistimunianzi ca dùnanu vuci a cu l’ha pirdutu
Particularmenti cummuventi sarà la prisenza di Elena Yaqubee, na giuvini cantanti afgana ca s’è rifuggiata ‘n Girmania, ca si esibirà accumpagnata di studenti dû Dipartimentu di Jazz dû Cunsirvatòriu “A. Scarlatti” di Palermu. La sò esibizzioni rapprisenta simmòlicamenti la ristituzzioni di chiḍḍa vuci chi ci fu nigata ntô sò paisi.
N’àutra tistimunianza mpurtanti sarà chiḍḍa di Samira Karimyar, n’attivista afgana e jucatrici di palluni ca si rifuggiò ntô Portugallu. La sò prisenza rapprisenta la risistenza di chiḍḍi ca, nonostanti tuttu, continuunu a cummàttiri pi nu futuru megghiu.
La sirata è prisintata di Rosa Di Stefano, mentri nummarusi cori pristiggiusi s’altirnanu supra lu palcu: I Piccoli Cantori di Barcellona P.G. diriggiuti di Salvina Miano, lu Coru Cum Iubilo diriggiutu di Giovanni Scalici, lu Cluster Cantanti diriggiutu di Giulio De Carlo, l’Ensemble Vucali Eolianu e Little Eolian – Coriste per Gioco diriggiutu di Monica Faja, e lu Cantu E cantu diriggiutu di Liliana Quesado. A lu chianuforti sarà Alessandro Pisciotta.
Ospiti spiciali sunnu artisti dû calibru di Lidia Schillaci, Lello Analfino, Giuseppe Milici, Sabrina Petyx, Flora Faja, Aurelio Fragapane e l’Officina Barocca Siciliana.
Nu pruggettu cuncritu oltri la musica
“My Voice for You” non è limitata a sensibilizzari, ma cumprenni macari azzioni cuncreti. Na parti dî funni arricugghiuti vèni stanziata a borsi di studiu pî donni oppressi, cu n’attinzioni particulari ê rifuggiati e ê migranti, uffrennucci strumenti cuncreti pi emergiri e stabbilirisi prufissiunalimenti.
La manifistazzioni è patrocinata dû Cumuni di Palermu, dâ Città Metrupulitana di Palermu e dî Dipartimenti Riggiunali Famigghia e Turismu. E’ sustinutu puru di nummarusi istituzzioni e assuciazzioni, tra cui Amnisty International, Doctor Senza Fruntieri, l’Univirsitati di Palermu, lu Cunzirvatoriu “Alessandro Scarlatti” e l’Accademia di Beddi Arti.
Pi chiddi ca vulìssiru participari a sta straurdinaria manifestazzioni di sulidaritàti e di cultura, li nfurmazzioni, li prenotazioni e l’opzioni di dunazzioni sunnu dispunìbbili ô Fontarò Circolo Arci a Largu Lituania 10 e â Libreria Europa in via Uditore 22/A a Palermu. Puoi macari chiediri dittagghi e juncìrisi â ‘nizziativa scrivennu ô ‘ndirizzu e-mail info.myvoiceforyou@gmail.com.
Comu dici lu manifestu di l’iniziativa: “Ogni nota sarà un atto di resistenza, ogni voce un messaggio di speranza“. Picchì quannu la musica parra pâ libbirtà, lu sò ecu pò veramenti supirari qualegghiè barriera.
