Lu Museu MAGMA (Museu all’Apertu d’Arti Cuntimpurània) a Librinu è arricchitu di tri novi òpiri munumintali ca vènunu inaugurati lu venniridìa 9 maggiu 2025. Chistu ambizziusu pruggettu di rigginerazzioni urbana, guidatu dô patruni Antonio Presti e dâ sò Fondazione Fiumara D’Arte pi trasfurmari l’Arte centru curturali.
Nu museu viventi ntô tissutu urbanu
Doppu lu successu dâ Porta dâ Bellezza, dâ Porta dê Farfalle e di l’installazzioni “La sognatrice” e “Il Bacio” di Fabrizio Corneli, lu pruggettu MAGMA si allarga ulteriormenti cu tri novi òpiri di purtata nternazziunali: “Le Grandi Madri“, “Cavalli Eretici” e “Cromatismo emozionale“. Chisti ‘nstallazzioni, criati rispittivamenti dê fotugrafi Lynn Johnson e Monika Bulaj e dô pitturi Paolo Bini, esplorunu temi univirsali comu l’identitati, lu sacru e l’inclusioni.
“Si realizza un sogno: un museo diffuso e accessibile, dove le opere dialogano con lo spazio urbano e con la comunità che lo abita” dici Antonio Presti, l’anima dô pruggettu ca pi cchiù assai di vint’anni travagghiau senza stancu pi ripristinari la dignitati estetica e culturali ê subburghi attraversu l’arti.
Lu Museu MAGMA si sviluppa principalmenti ‘ntornu â Via San Teodoro e â Via Grimaldi, trasfurmannu chisti strati nta gallirìi d’arti all’aria aperta unni la biddizza addiventa patrimoniu cullittivu e nu strumentu pâ ridizzioni suciali.
L’inaugurazzioni e li cilibbrazzioni
La cirimonia di inaugurazzioni è privista pi venniridìa 9 di maiu ê 9:30, ntâ chiazza davanti ô New Eden. L’eventu coincidirà strategicamenti câ Festa dâ Matri, cilibbrata lu jornu doppu, e prisintarà picciriddi dê scoli lucali ca si esibisciunu ‘n onuri dê matri dô quartieri, cilibbrati ntê manifesti giganti di l’òpira “Le Grandi Madri“.
Inoltri, sia lu venniridìa 9 ca lu sàbbutu 10 maggiu, dê 17:00 ê 19:00, la Fondazzioni Antonio Presti urganizzarà visiti guidati gratuiti, pirmittennu ê visitaturi di capiri pienamenti lu valuri simmòlicu e culturali di l’òpiri ntô sò cuntestu urbanu.
Nu pruggettu curali
Lu pruggettu MAGMA rapprisenta n’esempiu virtuosu di collaborazzioni ntra istituzzioni, associazzioni e cumunità lucali. Sustinitura cci sunnu la Riggiuni Siciliana, lu Cumuni di Catania, lu IV Cumuni, lu Funnu di Benificenza Intesa San Pàulu, l’Istitutu Nazziunali d’Architittura IN/Arch e l’Univirsitati di Missina. Funnamintali fu macari lu contribbutu dê nummarusi scoli e associazzioni di l’aria ca parteciparu attivamenti ô prucessu criativu.
“Un disegno iniziato oltre 20 anni fa, che ha preso il via con la Porta della Bellezza e non si è mai fermato” suttalinea Presti. “Tre generazioni coinvolte, migliaia di cittadini innestati nel processo di riscatto e coesione sociale, che attraverso l’arte hanno respirato bellezza“.
Lu Museu MAGMA non è sulu na mustra di òpiri d’arti ma n’attu d’amuri versu la città, nu pruggettu ca prumovi na cultura aperta, participativa e ginirativa dâ biddizza, trasfurmannu nu subburgu spissu stigmatizzatu nta nu labburatoriu culturali di purtata ntirnazziunali.
N’invitu â scuperta
L’inaugurazzioni dê novi òpiri dô Museo MAGMA rapprisenta n’opportunità ‘npercabbili pi scopriri comu l’arti cuntimparània pò addivintari nu strumentu pâ trasformazzioni suciali e urbana. Na spirienza ca invita li visitaturi, l’amanti di l’arti e li curiusi a esplurari chistu museu diffusu e a èssiri surprisi dâ biddizza ca veni di l’incontru tra criatività artistica e identità tirrituriali.
